Enregistraments
Dab la vòsta participacion ?
Adishatz a tot@s,
Solide com ac sabetz, Ràdio Cap a Cap n'es pas(enqüèra) sus las ondas, las emissions que son enregistradas e que passan per internet.
A maugrat d'aquò, per estar dens l'actualitat la mèi recenta, lo collectiu d'animacion qu'a pres decision d'obrir ua navèra rubrica aperada "Tot caut" entà portar a coneishença deus auditors las totas darrèras novèlas de Gasconha : animacions culturaus, espectacles, conferéncias, manifestacions, eca...
Alavetz, que seràn difusats n'aquera rubrica, los enregistraments que ns'auratz enviat dab suenh. Un enregistrament en mp3 de 2 o 3 min maximum sus un telefonet o enregistrador, d'aquí enlà serà hèit shens arrueit a l'entorn e de preferéncia en un lòc shens rebomb.
Que ns'agradaré lavetz que cadun sii en capacitat d'enregistrar lo son messatge, en gascon de preferéncia ; aquò que balharà mei de balanç a la rubrica se pòt s'i enténer vutz e accents desparièrs.
Aquò dit, se voletz meilèu enviar un tèxte, l'un de nosatis que vs'ac legirà, l'important qu'es d'aver ua informacion difusada e escotada.
Aquera rubrica ne serà pas ua tribuna, las intervencions que seràn sonque hèitas, bracas e claras.
Per las questions de hons, lo mélher qu'es de produsir ua entervista que passarem dens l'ua o l'auta de las nòstas emissions.
Mercés d'adreçar los vòstes fiquèrs a l'adreça seguenta : contact.manager-sites@radiocapacap.fr
Ne trantalhatz-pas a difusar aquera letra a tota persona deu vòste hialat que pensaratz probablament interessada.
Plan coraument.
Lo Collectiu Ràdio Cap a Cap
